“Dita e përkujtimit të viktimave të Holokaustit çdo vit na kujton vlerën e demokracisë dhe paqes. Ajo na kujton se ka pasur raste kur njerëz të pafajshëm janë vrarë barbarisht dhe të drejtat e njeriut janë shkelur në mënyrë barbare.” Këtë e shkroi Kryeministri Bojko Borisov në profilin e tij në Facebook. “E kaluara e errët dhe britmat nga kampet e përqendrimit duhet të na bëjnë të palëkundur se antisemitizmi, racizmi dhe intoleranca nuk kanë vend në botën tonë”, shtoi ai. Borisov tregon se arsyeja e krenarisë është guximi i bullgarëve të njohur dhe të panjohur - klerikë, politikanë dhe figura publike, të cilët shpëtuan më shumë se 48 000 shokë hebrenj nga kampet e vdekjes.

Presidenti Rumen Radev gjithashtu nderoi viktimat e Holokaustit. “Kjo tragjedi e madhe, e cila shkaktoi kaq shumë vuajtje, na detyron të kujtohemi për jetët e humbura në një mënyrë shumë tragjike të milionë njerëzve, ndër të cilët 6 milionë hebrenj, vetëm për shkak të faktit se kanë qenë nga një etni tjetër”, deklaroi Presidenti në Facebook. “Le të përkulemi para kujtesës së të vdekurve. Le të mbajmë mend humbjen e tyre, sepse po të fshehim kujtimin, kjo do të thotë që ata të vdesin përsëri”, shtoi Radev.