Si fëmijë ai dëgjon këngën e zogjve në fshatin e tij të lindjes Jamna dhe, duke ndjekur shembullin e gjyshit të tij, krijon instrumente të vogla muzikore për të luajtur me to. Ai e mori gëdullkën e tij të parë (vegël specifike muzikore bullgare) që në vitin e largët 1969 nga babai i tij, por prova e tij e parë për të luajtur në të dështoi, pasi kishte harruar për të lyer me kolofon harkun.
Sot Angell Dobrev është një nga anëtarët me të respektuar dhe me stazh më të gjatë në Orkestrën për Muzikë Popullore pranë Radios Kombëtare Bullgare. Talentin e vet të trashëguar nga disa breza muzikantësh e ka zhvilluar në Shkollën për Arte Folklorike në Kotell dhe në Akademinë për Arte Muzikore, Koreografike dhe Artistike në Plovdiv. Angell Dobrev nuk kufizohet vetëm me interpretimin e muzikës, ai është gjithashtu kompozitor i mbi 200 veprave, mjeshtëron vetë gëdullka, jep mësime, vë spektakle, është producent dhe incizon disqe, orkestron muzikë folklorike. Nëpërmjet veprimtarisë së tij të pasur përhap famën e muzikës folklorike bullgare në mbarë botën.
“Gëdullka është pjesë e jetës dhe kulturës bullgare... Folklori bullgar është një kod, i cili është i futur në natyrën tonë!” – thotë Angell Dobrev.
Mund të mësoni më shumë për muzikantin e madh në artikullin tonë “Tingulli i gëdullkës e prek thellë shpirtin e njeriut” nga koleksioni i Radio Bullgarisë.
Përpiloi: Diana Cankova
Përgatiti në shqip: Vesella Mançeva
Më 25 korrik, Kisha Ortodokse Bullgare nderon Fjetjen e Anës - shenjtores që lindi Marinë, e cila është nëna e ardhshme e Jezu Krishtit. Shën Anna konsiderohet mbrojtëse e martesës, familjes dhe mëmësisë, si dhe mbrojtëse e virgjëreshave, të..
Më 20 korrik, në mes të ditëve më të nxehta, Kisha jonë nderon profetin e Dhiatës së Vjetër Ilia. Për respektin e popullit tonë për Shën Ilian dëshmojnë kishat e shumta ortodokse me emrin e tij, ku për nder të tij janë kryer liturgji festive që nga..
Me rastin e 156 vjetorit të vdekjes së vojvodës Haxhi Dimitër dhe kaçakëve të tij, si dhe 187 vjetorit të lindjes së Vasill Levskit , komuna e qytetit Kazanllëk organizon disa veprimtari. Përulemi para trimërisë së heronjve kombëtarë..