Me urdhër të Ministrit të Shëndetësisë që nga sot, 1 shkurti, deri më 30 prill zgjatet gjendja e jashtëzakonshme epidemike dhe në të njëjtën kohe shfuqizohen disa prej masave anti-epidemike.

Qendrat e mëdha tregtare hapen, palestrat do të punojnë me përdorim të 50% të kapacitetit të tyre, ndërsa kinematë dhe shkollat e arteve do të funksionojnë me përdorimin e 30% prej kapacitetit dhe mbajtjen e distancës së domosdoshme fizike.

Në ambientet e mbyllura, në transportin publik dhe në hapësirat publike në të hapur, kur grumbullimi i njerëzve nuk mund të shmanget, tashmë do të mbahen vetëm maska dhe jo shalle, ose helmeta mbrojtëse.

Pritet që lokalet të hapen një muaj më vonë, ndërsa klubet e natës të mbeten të mbyllura.