Në vitin 2020, paga minimale në Bullgari ishte 1.87 euro në orë, e cila është më e ulëta në BE. Të dhënat nga Instituti Evropian i Sindikatave për pagat më të ulëta ligjore në vendet evropiane tregojnë se vetëm në Maqedoninë e Veriut paga është më e ulët - 1.63 euro në orë, ndërsa në Serbi është pak më pak se 2 euro.

Në Rumani dhe Hungari, paga minimale në orë është pak nën 3 euro, ndërsa në Greqi dhe Portugali arrin 4 euro. E para në renditje, me pagën më të mirë është Franca me 10.15 euro në orë, e ndjekur nga Irlanda, gjithashtu me mbi 10 euro në orë. Të dhënat tregojnë gjithashtu se 60 për qind prej atyre që punojnë me rrogë minimale në BE janë gra.

Sipas Konfederatës së Sindikatave të Pavarura në Bullgari, në gjashtë vende të BE paga minimale përcaktohet nga negociatat kolektive. Sindikata këmbëngul në rritjen e përshpejtuar të pagës më të ulët në vendin tonë për të arritur një raport prej të paktën 50 për qind të mesatares kombëtare.