Presidenti Rumen Radev u dorëzoi çmime shtetërore bullgarëve të shquar në fushën e mjekësisë, shkencës dhe arsimit.

Për arritje në sferën e mjekësisë me urdhrin “Stara Pllanina” u dekoruan prof. dr. Nikolla Vlladov dhe prof. dr. Georgi Todorov. Historiani prof. Pllamen Pavllov mori urdhrin “Shenjtorët Kirill dhe Metodij”. Anastasija Stojanova mori të njëjtin urdhër për meritat e saj të mëdha në fushën e arsimimit të minoritetit kombëtar në Moldavi. Me urdhrat “Stara Pllanina” u dekoruan prof. Ivan Niçev për meritat e tij të mëdha në fushën e kinemasë, prof. dr. Angell Dimitrov për zhvillimin e marrëdhënieve të Bullgarisë me shtete nga Ballkani Perëndimor, prof. Ivajllo Znepollski për kontributin e tij të jashtëzakonshëm në fushën e kulturës dhe shkencave humanitare. Urdhri “Shenjtorët Kirill dhe Metodij iu dorëzua prof. Vera Najdenovës për kontributin e saj ndaj artit dhe kulturës kinematografike, aktorit Rusi Çanev dhe poetit Ivan Ballabanov. Doc. dr. Aleksandër Oskar është dekoruar me urdhrin e meritës civile për punën e tij për forcimin e shoqërisë civile.

Në emër të fituesve prof. Pllamen Pavllov theksoi se ata kanë të njëjtin mision në jetë - për të shëruar trupin dhe shpirtin e popullit bullgar. Ai bëri thirrje për unitet midis bullgarëve brenda dhe jashtë vendit.