Animatori bullgar Teodor Ushev do të jetë kryetar i jurisë ndërkombëtare, e cila do të vlerësojë filmat nga Konkursi Ndërkombëtar për filma të parë e të dytë dhe nga Konkursi për një film bullgar me metrazh të shkurtër në Sofja Film Festin e 25 jubilar. Bashkë me të në jurinë e sivjetshme janë përfshirë akoma Svetlla Cocorkova, regjisore e filmit “Motra” - fitues në Sofja Film Festin e 24, regjisori rus Ilja Hrzhanovski, regjisori hungarez dhe producent Sabolç Hajdu dhe artistja maqedonase Natasha Petroviç. Krijues të filmave prej 5 shteteve dhe 3 kontinenteve do t’i japin dekoratat e festivalit saktësojnë organizatorët nga “Art Fest”.
Teodor Ushevi është shpallur animatori me më shumë ndikim në botë për 25 vitet e fundit, sipas anketës ndërkombëtare të festivalit më prestigjioz të filmave të vizatuar në Lerida (Animac). Gjatë 15 vjetëve të fundit ai punon për Këshillin Kombëtar të Filmit të Kanadasë. Në biografinë e tij krijuese ka më shumë se 15 filma, të cilët i kanë sjellë mbi 200 dekorata ndërkombëtare nëpër të gjithë botën.
Në kuadrin e edicionit të 25 të Sofja Film Festit Teodor Ushev do të prezantojë një program me filma të veta të vizatuar dhe filma eksperimentalë, mes të cilëve janë ata të njohur për spektatorin bullgar “Vajsha e Verbër” dhe “Fizika e Trishtimit” në bazë të veprave të shkrimtarit Georgi Gospodinov.
Forumi më i madh i filmave në Ballkan - Sofja Film Fest sivjet do të zhvillohet midis datave 11 dhe 31 mars dhe në programin e tij janë përfshirë më shumë se 150 filma artistikë me metrazh të plotë dhe tituj dokumentarë, si dhe mbi 20 filma me metrazh të shkurtër.
Përpiloi: Vesella Krësteva
Përgatiti në shqip: Nataniela Vasileva
Me përfundimin e javës së fundit të Shkollës Verore të Gjuhës dhe Kulturës Bullgare, e cila u zhvillua nga 19 deri më 25 korrik 2025, u mbyll edhe një kapitull i rëndësishëm i këtij programi të veçantë, i cili përbën një përvojë të paharrueshme për të..
Edicioni i 31-të i forumit të filmit në kryeqytetin boshnjak nga 15 deri më 22 gusht do të paraqesë 5 produksione me kontribut bullgar. “Yugo Florida” është debutimi artistik i regjisorit serb Vladimir Tagić. Nga ana bullgare, në bashkëprodhimin e..
Për të pestin vit me radhë, Akademia Orfika ndërton një hapësirë interaktive, në të cilën çdo spektator mund të prekë kulturën dhe artin e Trakisë së lashtë. Festivali “Misteret Trake” edhe këtë verë na çon në vende emblematike nga historia në tokat..