Me rituale ushtarake, njësitë ushtarake përfaqësuese nga të gjitha garnizonet e vendit shënojnë 148 vjet nga vdekja e Apostullit të Lirisë Vasill Levski. Tradicionalisht, pelegrinazhet dhe ritualet ushtarake në të gjitha qytetet zhvillohen në 18 dhe 19 shkurt, në përputhje me masat antiepidemike. Ministri i Mbrojtjes Krasimir Karakaçanov u përkul para veprës së pavdekshme të Apostullit duke bërë homazhe dhe duke vendosur lule para monumentit të Vasil Levskit në Universitetin Ushtarak Kombëtar në Veliko Tarnovo.

Me një seri ngjarjesh adhurojnë veprën e Vasill Levskit në vendlindjen e tij – qytetin Karlovo. Një tubim fishekzjarresh u zhvillua sot në Sheshin “Vasil Levski” në qytet. Bëhen homazhe dhe vendosen lule në kujtim të heroit tonë kombëtar në të gjithë vendin.

Data e varjes së Apostullit - 18 ose 19 shkurt, deri më sot shkakton polemikë në shoqëri dhe në rrethet shkencore. Sipas kryetarit të Komitetit Mbarë Bullgar “Vasill Levski” Vasill Vasillev, mospërputhja është për shkak të një gabimi në llogaritjen kur kalojmë nga Kalendari Gregorian në Kalendarin Julian. “Sipas historianëve, data e vërtetë është 18 shkurt, por e gjithë shoqëria ka pranuar datën e 19 shkurtit," tha Vasill Vasillev në një intervistë për Radio Bullgarinë. Kjo është arsyeja pse në shumë rajone të vendit dita shënohet në të dy datat.