Ditën përpara Të Lidhurit e Mishit bullgarët ortodoksë nderojnë të vdekurit të tyre të dashur. Kjo është një nga ditët e veçanta që kisha ka caktuar për të kujtuar shpirtrat e të gjithë të vdekurve. Ato ditë gjithmon bien ditën e shtune duke ndjekur shembullin e Krishtit, i cili ishte me trupin e Tij në varr atë ditë. Shërbesat e adhurimit në tempuj janë funerale dhe pas tyre mbahen shërbime të përgjithshme përkujtimore me tavolina, në të cilat vendosen, përveç bukës së detyrueshme, verës dhe grurit, pjatat e preferuara të të ndjerit. Pastaj priftërinjtë temjanosin ushqim, si një shprehje e lutjes së pastër për shpëtimin e shpirtit dhe shqiptojnë emrat e të vdekurve të regjistruar para shërbimit. Pas lutjes, të pranishmit i shpërndanë ushqimin njëri-tjetrit me fjalët “Zoti fal”.
Jashtë tempullit, njerëzit gjithashtu u japin të afërmve dhe të njohurve bukë dhe grurë, një simbol i pavdekësisë, si dhe ëmbëlsira të vogla për ta bërë të lehtë jetën e përtejme të të ndjerit. Ky ushqim quhet ndryshe edhe lëmoshë.
Në këtë ditë, të afërmit e të ndjerit vizitojnë varret e tyre, i pastrojnë ato dhe mbjellin lule që kujtojnë virtytet e të ndjerit. Pastaj mbi varrin ata derdhin verën e kuqe, një simbol i gjakut të Krishtit dhe ndezin një qiri kishe, në shenjë respekti dhe besimi në pavdekësinë e shpirtit.
Përpilues: Darina Grigorova
Përgatiti në shqip: Svetllana Dimitrova
Në ditën e sotme, më 18 gusht, Kisha Ortodokse Bullgare kremton Fjetjen e Shën Joan Rillskit – mbrojtësit qiellor të Bullgarisë. Për bullgarët, ai është shenjti më i dashur, i nderuar jo vetëm brenda kufijve të vendit, por edhe jashtë tij. Ai..
Historia e kishës më të madhe të periudhës së Rilindjes Kombëtare Bullgare – “Fjetja e Shën Mërisë” në qytetin Pazarxhik – është e gjatë dhe interesante. Supozohet se kisha e parë në këtë vend u ndërtua në shekullin XVII. Ajo u shkatërrua disa herë,..
Kisha "Lindja e Krishtit" është një nga kishat më të bukura në fshatin Arbanasi, i cili ndodhet vetëm 5 km larg qytetit Veliko Tërnovo. Ajo është një nga pak kishat e ruajtura nga fundi i shekullit të XVI dhe fillimi i shekullit të XVII në Bullgari...