Gjatë ditëve të fundit muzikantët e rinj nga Akademia Kombëtare Muzikore “Profesor Panço Vlladigjerov” si dhe pedagogët e tyre patën mundësi të takohen me dy nga ekzekutuesit më të njohur modern - pianisti Evgenij Kisin dhe violonçelisti Misha Majski, të cilët janë tek ne, që të zhvillojnë koncerte në sallën e kryeqytetit “Bëllgaria”. Përpara fillimit të klasave të tyre të mjeshtërisë, të mbajtur në dy ditë rresht në sallën e koncerteve të Akademisë, artistët morën titullin e nderit Doctor Honoris Causa të Akademisë Kombëtare Muzikore “Profesor Panço Vlladigjerov”, i cili u qe dhënë në ceremoni të shkurtra nga rektori profesor Sava Dimitrov. Në sajë të kolegëve nga transmetimi “Alegro Vivaçe” të programit “Horizont” të Radios Kombëtare Bullgare, ju ofrojmë fjalët falënderuese të cilat Misha Majski ua tha miqve në sallë:
“Unë nuk kam fjalë! Fare nuk e kam pritur. Erdha këtu që të takohem me muzikantë të rinj, të punojmë pak bashkë, por ja që po marr këtë befasi - shumë të këndshme dhe një nder të madh. Jam shumë mirënjohës dhe gëzohem se kjo situatë e çuditshme, në të cilën jemi duke jetuar, ka anët e veta negative por njëkohësisht dhe pozitive. Tani duhej të jem në Amerikë. Gjatë muajit shkurt duhej të fillojmë një turne të madhe me Marta Argeriç, por çdo gjë qe anuluar për shkak të pandemisë. Kështu u hap mundësi që të vijë përsëri në Bullgari, në Sofje dhe shpresoj se, nuk do të jetë për herë të fundit.”
Le të rikujtojmë se kemi fatin për herë të katërt të takojmë në skenën bullgare këtë violonçelist të shkëlqyer. Herën e kaluar kjo ndodhi në fillim të vitit 2017, kur ai qe solist i Orkestrës Simfonike të Radios Kombëtare Bullgare, nën drejtimin e dirigjentit Aleksandër Zemcov. Tani Majski dhe Zemcov përsëri qenë bashkë në skenë në një koncert i cili u zhvillua më 10 mars, kësaj radhe me Filarmoninë e Sofjes. Recitali i Evgenij Kisinit është më 11 mars, pianisti do të ekzekutojë për herë të parë tek ne. Në të njëjtën ditë, përsëri në sallën e Akademisë Kombëtare Muzikore, klasë mjeshtërie do të zhvillojë Aleksandër Zemcov.
Redaktore: Allbena Bezovska
Përgatiti në shqip: Nataniela Vasileva
Foto: Akademia Kombëtare Muzikore, BGNES
“Pa ty nuk ka dashuri” është kënga e fundit e Maksim Jallnëzov. Përveç se është interpretues, ai është edhe autor i muzikës dhe tekstit. “Pa ty nuk ka dashuri ” i kushtohet muzikës, si pjesa më e bukur dhe më kuptimplote e jetës së artistit të ri...
Eva Bel dhe Emin, të cilët janë partnerë në skenë dhe kanë shfaqje së bashku, së fundmi kanë incizuar këngën e tyre të përbashkët "Unë kam gjithçka". Emin Al-Xhunejd e njohim nga pjesëmarrja e tij në Konkursin Kombëtar të Këngës Argëtuese..
Tashmë katër dekada, grupi “Atllas” na ofron muzikën e tyre. Kënga e tyre e fundit me titullin "O-oooh!" është dinamike, me një tingull karakteristik të stilit new wave dhe një linjë melodike. Kënga është singëli i dytë nga albumi që “Atllas”..
Kori i Fëmijëve i Radios Komb;tare Bullgare (BNR) është ndër finalistët e konkursit prestigjioz ndërkombëtar për koret joprofesionale “ Le të këndojnë..
Më 5 tetor, në sallën e dhomës "Bullgaria" në Sofje, Sllavin Peev do të festojë dy dekada në skenë me arie të njohura nga klasikët e operës. Së..