Nëse sëmundshmëria nga Covid-19 pakësohet dhe Bullgaria hyn në zonën e gjelbër, mund të kemi një stinë të mirë turistike verore, prognozon kryetari i Dhomës Turistike të Varnës Ilin Dimitrov përpara Agjencisë Telegrafike Bullgare. Pritjet janë për rreth 4,5 milionë turistë të huaj, por ata do të vijnë vetëm nëse jemi në zonën e gjelbër dhe vaksinojmë punonjësit në sektor, të cilët kanë dëshirë për këtë, vuri në dukje Dimitrov.

Tanimë janë të qarta rregullat për funksionimin e objekteve turistike për këtë vit, të cilat i mbi ndërtojnë ato nga viti i kaluar. Sipas Dimitrovit, ekzistojnë disa pyetje, të cilat akoma po mbeten pa përgjigje. Më e rëndësishmja është nëse njerëzit me një vaksinë të vendosur ruse ose kineze do të pranohen si të vaksinuar ose jo. Ky problem është me një rëndësi të madhe, meqenëse tek ne për sezonin mbase do të vijnë të punojnë nëpunës nga Azia, shtoi Dimitrovi. Prognoza e ekspertit është se, ai i cili  do të rimëkëmbë ekonominë e tij të turizmit më shpejt , do të jetë në gjendje të tërheqë edhe stafin më të fuqishëm dhe më të ditur. Mjerisht, ne jemi më pak konkurrues dhe mund të dalë se industria do të jetë më e dobët, sesa përpara disa vjetëve, tha Dimitrov.