Bullgaria voton

botuar më 21-04-04 8.05.PD

Foto: BGNES

Sot Bullgaria zgjedh Legjislaturën e 45 të Kuvendit Popullor. Që nga fillimi i ndryshimeve demokratike në vend gjatë vitit 1989 këto janë zgjedhjet e 11 parlamentare sipas radhës. Vota e parë demokratike në historinë tonë të fundit është për Kuvendin e Parë të Madh Kombëtar dhe është zhvilluar më 10 qershor 1990.

Sot, përfaqësues të 30 partive dhe koalicioneve po luftojnë për besimin e votuesve. Për krahasim, për të marrë pjesë në zgjedhjet e mëparshme parlamentare gjatë vitit 2017 ishin lejuar 18 parti e 9 koalicione. Numri i përgjithshëm i vendvotimeve në vend tejkalon 11 mijë, janë të parashikuara dhe kuti votimi lëvizëse për njerëzit me probleme të lëvizjes dhe për votuesit nën karantinë për shkak të Covid-19. Në pak mbi 9 300 nga seksionet është i mundur dhe votimi me makinë.

Bullgaria është e ndarë në 31 zona elektorale shumë-anëtarësh, në të cilat shpërndahen 240 mandate për përfaqësues të popullit. Kjo bëhet mbi bazën e numrit të votuesve me adresë të përhershme në zonën përkatëse. Numri minimal i mandateve, i cili duhet të garantojë pluralizmin politik, për një rajon është 4.

Pritet një numër rekord i qytetarëve bullgarë të cilët votojnë jashtë shtetit. Mbi 87 000 janë deklaratat për votim sipas vendbanimit, të parashtruara nga bashkatdhetarët tanë për këto zgjedhje, që është pothuajse dy herë më shumë kundrejt vitit 2017, kur kishim pak mbi 45 000 deklarata.

Numri i seksioneve zgjedhore jashtë shtetit tani është 465, në 69 shtete. Në zgjedhjet gjatë vitit 2017 mbi 117 000 bullgarë votuan në 317 seksione zgjedhore. Në votimin e tanishëm aktiviteti zgjedhor jashtë shtetit pritet që të jetë edhe më i lartë.

Më shumë seksione votimi janë hapur në Gjermani (69) dhe në Spanjë (53). Në Britaninë e Madhe, në Shtetet e Bashkuara dhe në Turqi numri maksimal i lejueshëm i seksioneve nga Kodi Zgjedhor për shtete jashtë Bashkimit Evropian është 35.

Последвайте ни и в Google News Showcase, за да научите най-важното от деня!

Ndaje

Bullgaria voton

Më shumë nga rubrika

Njësia e gjashtë e Centralit Atomik Elektrik “Kozlloduj” po mbyllet për mirëmbajtje vjetore

Bullgaria, Turqia dhe Rumania nënshkruan një letër për veprimet e përbashkëta të mbrojtjes

Që nga korriku “Bulgargaz” nuk e ka paguar “Botash” për të ashtuquajturin kapacitet të rezervuar

Një renditje tjetër i vendos bullgarët ndër njerëzit më të pakënaqur në BE

Ministri Petër Dimitrov: Prej 3 vitesh nuk ka tejkalim të normave mesatare vjetore për grimcat e imta të pluhurit në të gjithë vendin

I bëjnë kompanitë të nënshkruajnë deklarata se nuk do të ketë votim korporativ