MPJ-ja bullgare ka shpallur akoma një diplomat rus persona non grata. Këtë e bëri të ditur dikasteri, duke njoftuar se kanë kërkuar nga Rusia për të bashkëpunuar me autoritetet bullgare në hetimin e eksplozioneve në 4 depo armësh gjatë 10 viteve të fundit, në asgjësimin e provave të rëndësishme gjatë një zjarri dhe në helmimin e tre shtetasve bullgarë.

Zëvendëskryeministrja dhe Ministrje e Punëve të Jashtme Ekaterina Zaharieva zhvilloi një bisedë serioze me Ambasadoren e Rusisë në Sofje Eleonora Mitrofanova. U theksua se Bullgaria dëshiron marrëdhënie të barabarta dhe të dobishme reciprokisht me Rusinë, por u deklarua se disa komente publike të disa zyrtarëve rusë janë plotësisht të papërshtatshme.