Bullgaria përfshihet vitin e dhjetë me radhë në një nga format më të mira për popullarizimin e letërsisë bashkëkohore evropiane “Nata e Letërsisë”. Veprimtaria hapet më 12 maj dhe organizohet në të njëjtën kohë në qytete të ndryshme evropiane midis orëve 18 – 21.30. Sivjet në “Natën e Letërsisë” do të përfshihen 14 qytete bullgare.
Personalitete të njohura do të lexojnë pjesa të poezisë dhe prozës evropiane të botuara pas vitit 2000 edhe në gjuhën bullgare. Leximet zhvillohen në vende atipike të quajtura “foletë e lexuesit”.
Në Sofje “Nata e Letërsisë” është pjesë e Kalendarit të Ngjarjeve Kulturore për vitin 2021. Sidomos në kryeqytet, për herë të parë, do të ketë një vend të veçuar nga Bashkia e kryeqytetit, ku do të lexohet një libër për fëmijë nga një autor bullgar, botimi i të cilit mbështetet nga Programi i Kryeqytetit “Kulturë”. Një element i ri, përsëri për kryeqytetin, është përkthimi në gjuhën e shenjave në vende të zgjedhura.
Organizatorët kryesorë të ngjarjes në Bullgari janë ambasadat dhe institutet kulturore të vendeve evropiane (EUNIC Bullgari dhe të tjerë), Bashkia e Sofjes, Përfaqësia e Komisionit Evropian në Bullgari, Fondacioni “Libra për Fëmijë”.
Përpilues: Vesella Krësteva
Përgatiti në shqip: Svetllana Dimitrova
Filmi i shkurtër i vizatuar "Jeta me një idiot" nga Teodor Ushev (Theodore Ushev) fitoi çmimin për filmin më të mirë në Festivalin e Filmit të Shkurtër në Pekin. Animatori njoftoi lajmin në profilin e tij në Facebook. Filmi u vlerësua së bashku me disa..
Filmi “Made in EU” i regjisorit Stefan Komandarev fitoi Çmimin e Madh të Publikut në edicionin e 63-të të Festivalit të Filmit në Hihon të Spanjës. Filmi triumfoi në konkurrencë me 95 tituj, njofton BTA. “Brenda pak ditësh fituam çmimin e kritikës..
Të premten e tretë të nëntorit, me iniciativën e Fondacionit të Leximit, në Bullgari organizohet edicioni i tretë i Ditës Kombëtare të Leximit nën moton: "Lexoni. Vërtet". Sipas të dhënave nga studimi ndërkombëtar PISA2022 i OECD-së, 53% e..