Bullgaria mund të marrë pjesë në trajnimin e forcave afgane të sigurisë edhe pas tërheqjes së kontingjentit të saj kryesor nga Afganistani. Pjesëmarrja e Bullgarisë në Fondin e Mirëbesimit për Mirëmbajtjen e Ushtrisë Kombëtare Afgane do të vazhdojë, tha Ministri i Mbrojtjes Georgi Panajotov në një konferencë me video të ministrave të resorit nga NATO-ja.

Forumi diskutoi përgatitjet për Samitin më 14 qershor dhe projektin NATO 2030. Forcimi i mbrojtjes së hapësirës ajrore në krahun lindor të paktit është pjesë e kontributit të Bullgarisë në forcimin e pranisë së Aleancës në Detin e Zi, tha pala bullgare. Ministrat miratuan një politikë të re gjithëpërfshirëse të mbrojtjes kibernetike të NATO-s.