Ditët e fundit Televizioni Kombëtar Bullgar - BNT i është nënshtruar një sulmi të paparë nga pushteti ekzekutiv. Ministri i Kulturës në qeverinë e përkohshme akuzoi gazetarët e BNT për shkelje të ligjit, për një krim të mundshëm dhe për rrezikimin e sigurisë kombëtare, theksohet në pozicionin e Këshillit Drejtues të televizionit publik.

“Në një letër zyrtare nga ministria u kërkua një shpjegim nga televizioni në lidhje me veprimtarinë e tij editoriale. Asnjëherë më parë, në historinë tonë të re demokratike, një ministër nuk ka guxuar të censurojë vendimet e gazetarëve që janë ligjërisht të pavarur dhe autonom. Kjo është arsyeja pse ne do t’i referohemi institucioneve ndërkombëtare, trupit diplomatik dhe organizatave joqeveritare në mbrojtje të lirisë së medias”, thuhet në pozicion.