Që prej vitesh ka vështirësi me organizimin e marrjes së protokolleve nga seksionet jashtë vendit, tha para BNT Kamelija Nejkova, kryetare e Komisionit Qendror të Zgjedhjeve /KQZ/. Problemi vjen pjesërisht për shkak të të ashtuquajturve “njësi të ndërmjetme”, “krijohet një pikë e përkohshme komunikimi, ku mbërrijnë të gjitha protokollet e skanuara,” tha Nejkova.

Prandaj, do të bëhet çmos për të shkurtuar kohën gjatë së cilës protokollet nga seksionet arrijnë në këtë pikë të përkohshme të komunikimit, dhe prej andej në KQZ dhe anasjelltas në komisionet e seksioneve, premtoi Nejkova.

Sipas saj, nuk duhet të lejohet që në zgjedhjet e ardhshme kaq shumë anëtarë të komisioneve të seksioneve të presin të ashtuquajturën “çlirim” që të mund të largohen nga vendvotimi.