Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Një verë e nxehtë dhe në tregun e pasurive të paluajtshme buzë detit

Blerësit janë kryesisht bullgarë, në raste të rralla ka dhe të huaj nga Bashkimi Evropian

Foto: burgas.bg

80% nga blerësit e pronave pushimore nëpër bregdetin e Detit të Zi janë bullgarë, tregojnë të dhënat e specialistëve nga një kompani e madhe ndërtimore dhe investuese në fushën e vendbanimeve pushuese. “Kufizimet për udhëtim për shkak të koronavirusit dhe situata e paqartë ekonomike ka nxitur shumë njerëz, të cilët luhateshin, të ndërmarrin veprime dhe të lidhin marrëveshje. Çmimet e pronës për pushime mbajnë nivele të qëndrueshme, në kontrast me pasuritë e paluajtshme urbane në vend, ku rritja e çmimeve nuk është ndalur as vitin e fundit “- shënojnë analizatorët. Në praktikë, nëse një person po kërkon një investim të  kursimeve të tij, atëherë strehimi në det është një opsion më i lirë sesa një apartament i vogël në qytet.

“Po vihet re një lulëzim i transaksioneve të pasurive të paluajtshme në qytetet Sozopol, Nesebër dhe Pomorie”- thotë Diana Ivanova, menaxhere i një agjencie të pasurive të patundshme në Burgas. Në një intervistë për radiostacionin regjional të Radios Kombëtare Bullgare ajo ripohon se interesi është i orientuar drejt sektorit të pushimeve, ku investimi bëhet me qëllim që prona të shfrytëzohet për pushim gjatë gjithë vitit. “Banesat e propozuara në tregun në qytetin Sozopoll, tanimë kanë gjetur blerës”- thotë Diana Ivanova:

“Një verë mjaft e nxehtë është dhe në tregun e pronave të paluajtshme, si për nga çmimet, kështu dhe për transaksionet. Ka një aktivitet të madh jo vetëm në tregun e pronave të qytetit në Burgas. Kërkohen si apartamente të gatshme, kështu dhe të gjitha projektet, të cilat janë në një etapë të ndërtimit. Këtë e ripohojnë dhe nga  zyrat e noterisë në qytetet tona turistike, dhe ato kanë një rritje të madhe në transaksionet e pasurive të paluajtshme. Kur përcaktoni çmimet e banesave, ka rëndësi nëse apartamenti dhe ndërtesa janë gati, nëse është ndërtim i ri. Me rëndësi është dhe në cilin rajon janë. Për  pronat e mbyllura në një kompleks, niveli i çmimeve për mirëmbajtjen, shërbimin dhe menaxhimin e pronës është i rëndësishëm."

Sipas agjentëve, është e vështirë të flitet për çmimet e pronave në zonë - ato ndryshojnë shumë,  por më të kërkuarat janë ato që lëvizen nga 800 në 1200 euro për metër katror. “Ka dhe marrëveshje me çmime më të larta, si dhe më të ulëta. Apartamente të vogla në komplekse jo shumë mirë të mirëmbajtura shiten  me çmime të leverdishme dhe kjo i provokon blerësit”-thotë Diana Ivanova përpara BNR-Burgas:

“Ajo të cilën e preferojnë klientët është që apartamenti të jetë i përfunduar dhe të jetë i mobiluar. Tani po shiten apartamente nga tregu sekondar, por edhe ndërtime të reja dhe në ndërtim të sipër. Investuesit kanë përvojën e fituar gjatë viteve se kërkimi është i pronave të përfunduara, prandaj dhe propozojnë një opsion të tillë.”

Klientët e pronave nëpër qytetet pushimore janë më shpesh bashkatdhetarët tanë, të cilët duan që të investojnë paratë e veta, por ka dhe të tillë të cilët punojnë jashtë. “Ata i kushtojnë një vëmendje serioze atdheut  dhe faktit që të investojnë në të . Kështu që blerësit janë kryesisht bullgarë, në raste të rralla ka dhe të huaj nga Bashkimi Evropian. Rusët në këtë moment janë më tepër në pozitën e shitësve”- thotë Diana Ivanova.

Përpiloi: Gergana Mançeva /në bazë të intervistës së Svoboda Atanasovës, BNR-Burgas/

Përgatiti në shqip: Nataniela Vasileva



Последвайте ни и в Google News Showcase, за да научите най-важното от деня!

Më shumë nga rubrika

Për KNSB-në mbetet mister se si formohen shtesat e çmimeve të mallrave

Dyqanet e vogla mbajnë çmime më të ulëta në krahasim me zinxhirët tregtar, me diferenca që lëvizin nga 1 deri në 10%. Ky është një nga përfundimet e monitorimit mujor të Konfederatës së Sindikatave të Pavarura në Bullgari (KNSB) mbi çmimet e mallrave..

botuar më 25-08-15 12.43.MD

Në kulmin e sezonit të verës – si e presin pronarët e restoranteve dhe klientët futjen e euros?

Jemi në mes të sezonit turistik të verës në Bullgari, kur bregdeti i Detit të Zi, por jo vetëm ai, është plot me turistë nga vendi dhe jashtë vendit. Duke përjashtuar hotelet "all inclusive", pushimet tona lidhen edhe me ndarjen e një buxheti të..

botuar më 25-08-14 6.55.PD

Për tre muaj, paga mesatare në Bullgari u rrit me 5.3% duke arritur në 2572 leva (1315 euro)

Numri i të punësuarve deri në fund të qershorit 2025 u rrit me 1.3% krahasuar me marsin 2025, duke arritur në 2.38 milionë, sipas të dhënave paraprake të Institutit Kombëtar të Statistikave. Krahasuar me tremujorin e parë të vitit 2025, rritja më e..

botuar më 25-08-12 3.58.MD