Filmi i shkurtër bullgar "Vi" i regjisorit Deyan Tsvyatkov fitoi çmimin për filmin më të mirë në Festivalin e Filmit Fabtastiko-Shkencor të Berlinit. Festivali u zhvillua në datat 5 dhe 6 nëntor në kinemanë legjendare Babylon Cinema.

Filmi "Vi" i regjisorit bullgar Deyan Tsvyatkov u zgjodh mes 70 filmave të tjerë fantastiko-shkencorë nga 27 vende në kategori të ndryshme.

“Vi” është një sistem kompjuterik që i lejon njerëzit të punojnë ndërsa flenë. Viktor, krijuesi i saj, i është përkushtuar plotësisht kësaj, derisa një ditë takon aksidentalisht Lorën në një makth artificial.

“Ky është një shpërblim për të gjithë ekipin me të cilin u zhytëm në botën retro-futuriste të “Vi”. Faleminderit! Mezi pres ta shoh filmin edhe në Bullgari në ekranin e madh”, ka komentuar Deyan Tsvyatkov.