Një sondazh i Agjencisë “Gallup International Balkan” me porosi të Radios Kombëtare Bullgare tregon, se nëse zgjedhjet do të ishin një ditë më parë, GERB do të kishte marrë 23.5 për qind të votave, dhe “Po e vazhdojmë ndryshimin” dhe BSP do të ishin me rezultate të barabarta, përkatësisht 15.5 për qind dhe 15.2 për qind. “Ka një popull të tillë” do të fitonte 11.4 për qind, ndjekur nga Lëvizja për të Drejtat dhe Liritë (DPS) - 11.3 për qind dhe “Bullgaria Demokratike” - 9.6 për qind.

Nëse zgjedhjet presidenciale do të ishin në fund të dhjetëditëshit të parë të nëntorit, 48.6 për qind do të votonin për Rumen Radev, 25.3 për qind për Anastas Gerxhikov dhe 9.1 për qind për kreun e DPS Mustafa Karadajë. Sipas agjencisë, Radev ka një shans për të fituar raundin e parë të zgjedhjeve presidenciale, edhe pse kjo duket më e vështirë se disa javë më parë.

Të dhënat janë nga një sondazh përfaqësues kombëtar i Gallup International Balkan për Radion Kombëtare Bullgare, i kryer midis 1 dhe 9 nëntorit mes 1006 bullgarëve të rritur. Agjencia është partnere e Radios Kombëtare Bullgare në pasqyrimin e zgjedhjeve të 14 nëntorit.