Zgjedhjet treguan vendosmërinë e shoqërisë për të asgjësuar paligjshmërinë dhe korrupsionin. Siç duket, dështuan përpjekjet që njerëzit të ngatërrohen dhe të mos votojnë. I përshëndes të gjitha partitë që po hyjnë në parlamentin e ri. Ata duhet të përballen me detyrën e formimit të një qeverie të mbështetur nga një shumicë e qartë, komentoi Presidenti Rumen Radev në fund të ditës së zgjedhjeve.

"Në balotazh, ne do të përballemi me shumicën e organizuar nga partia e statuquos. Prandaj, fitorja jonë varet nga mobilizimi ynë," shtoi presidenti i tanishëm Radev. Ai veçoi si problem pjesëmarrjen e ulët të votuesve. "Pengu është mjaftë i lartë. Bullgarët shohin se në kohë krize institucioni presidencial ka një peshë të veçantë," theksoi Radev.