Gjatë negociatave për një kabinet të ri fillimisht do të punohet për një marrëveshje të detajuar koalicioni. Në të do të caktohen qëllime dhe afate të qarta katërvjeçare, tha për BNR Lena Borisllavova nga ekipi juridik i “Po e vazhdojmë ndryshimin”. Ajo theksoi se mes formacioneve të përfshira nga projekti politik në negociata - BSP, “Bullgaria Demokratike” dhe “Ka një popull të tillë”, ka më shumë vija të përbashkëta sesa vija ndarëse. “Sipas neve kryeprokurori ose duhet të hiqet si një figurë e plotfuqishme, ose të reduktohet në një drejtues administrativ, siç është rasti në shumë vende evropiane”, tha Borisllavova. Nga fjalët e saj u bë e qartë se për të dalë nga kriza energjetike do të nisin urgjentisht negociatat për tregtimin e gazit më të lirë azerbajxhanas. Ajo theksoi gjithashtu se “Po e vazhdojmë ndryshimin” është i vendosur për vaksinimin vullnetar.