Iniciativat civile “Liri për të gjithë” dhe “Komiteti Qendror i Prindërve Bullgarë” insistojnë për anulimin e urdhrit të Ministrit të Shëndetësisë Stojço Kacarov, me të cilin aplikohet kërkesa për certifikatë të gjelbër. Sipas ankesës së tyre paraqitur në Gjykatën Administrative - Sofje, certifikata e gjelbër është diskriminuese dhe në kundërshtim me ligjin.

“Ky urdhër shfuqizon të drejtat themelore kushtetuese, kufizon të drejtën e punës, kufizon - deri diku, të drejtën e lëvizjes. E drejta për të punuar nuk është vetëm çështje e nxjerrjes së bukës së gojës, është edhe çështje e dinjitetit njerëzor”, theksojnë aplikantët. Sipas tyre, urdhri e kundërshton shoqërinë duke e ndarë në grupe.