Në takimin me Ministrin e Punëve të Jashtme të Maqedonisë së Veriut, Bujar Osmani, përfaqësuesit e prokurorisë morën përsipër angazhimin që të punojnë sa më shpejt në hetimin e aksidentit të rëndë rrugor në Autostradën “Struma”, ku humbën jetën 46 persona.

Një nga hipotezat për tragjedinë është se autobusi mbante një sasi të karburantit - naftë, benzinë ​​dhe diçka shkaktoi ndezjen. Autobusi u dogj brenda pak sekondash. Kjo nuk mund të bëhet vetëm nga mobiliet brenda. Ato punohen prej materialesh thuajse jo të djegshme, të tilla janë kërkesat”, komentoi për BNR eksperti Nikollaj Hristov, i cili punoi në hetimin e aksidentit në Hitrino.

Ministria e Transportit e Maqedonisë së Veriut njoftoi se do t’i hiqet leja e firmës “Besa Trans” – pronare e autobusit të aksidentuar në Bullgari. Ata theksojnë se autobusi nuk figuron në bazën elektronike të të dhënave të Ministrisë së Transportit, transmetoi i dërguari i BMR-së Georgi Markov.

Lëvizja në Autostradën “Struma” në drejtim të qytetit Bllagoevgrad mbetet e mbyllur deri në përfundimin e kontrolleve në vendin e aksidentit të rëndë në afërsi të Bosnekut.