Festa e peshkut të kripur? Sigurisht që do t’ju tingëllojë pak çuditshëm, por sivjet do të zhvillohet edicioni i tij i parë. Fare natyrshëm vendi i tij është buzë detit. Nëse jeni kureshtarë ndaj sekreteve të jetës bregdetare pas fundit të stinës verore, duhet të vizitoni qytetin Sozopoll një ditë përpara festës së marinarëve dhe të peshkatarëve - Dita e Shën Kollit. Festa e peshkut të kripur ka dhe misionin e vet fisnik për përkrahjen e peshkatarëve nga qyteti dhe rajoni, prandaj peshku i kapur i freskët prej tyre do të jetë theksimi kryesor. Gara-konkurs për përgatitjen e tij më mjeshtërore në një version të kripur do të sjellë një dozë adrenalinë mes pjesëmarrësve dhe të ftuarve vendas.Festa e peshkut të kripur do të zhvillohet duke respektuar masat anti-epidemike për ngjarjet në të hapur, të cilat janë në fuqi në territorin e vendit.

Kryetari i jurisë që do të shpallë fituesin është studiuesi i Antarktidës, profesor Hristo Pimpirev, i cili është edhe bashkautor i një edicioni kulinar për kuzhinën e kontinentit të akullit. 

Përpiloi: Joan Kolev

Përgatiti në shqip: Nataniela Vasileva