“Tekstet përfundimtare të marrëveshjes së koalicionit janë gati dhe të premten deri në fund të ditës do të kemi një marrëveshje koalicioni plotësisht të autorizuar", tha Asen Vasilev, bashkëkryetar i “Po e vazhdojmë ndryshimin” pas takimit në Kuvendin Popullor me kandidatin për kryeministër Kirill Petkov dhe udhëheqësja e BSP Kornelia Ninova. Pas mbledhjes së nesërme të Këshillit Kombëtar të së Majtës do të bëhen të ditur emrat e ministrave, tha Kornelia Ninova, duke shtuar se do të propozohet një qeveri e qëndrueshme. “Bisedimet e sotme konfirmuan se së shpejti kjo do të jetë fakt”, shtoi Kirill Petkov. Marrëveshja mes katër palëve negociuese do t’i prezantohet shoqërisë “me të gjitha tekstet dhe klauzolat e saj”.