Bullgaria nuk është tërhequr nga pozita e saj për anëtarësimin e Republikës së Maqedonisë së Veriut në BE, por ofron një dialog më konstruktiv dhe efektiv midis Sofjes dhe Shkupit. Këtë e shpjegoi në një konferencë për shtypin Lena Borisllavova, shefe e zyrës së Kryeministrit Kirill Petkov, në përgjigje të një pyetjeje lidhur me intervistën e Petkovit për “Financial Times”. Propozimi është përmirësimi i mekanizmit për negociata. Synohet që objekt studimi të jetë jo vetëm historia, por edhe aspekte ekonomike, sociale, investuese e të tjera. Borisllavova tha se propozimi i Petkov ishte që gjashtë muajt e ardhshëm të shfrytëzohen në mënyrë efektive për takime më të shpeshta të grupeve të ndryshme të ekspertëve që mund të trajtojnë në mënyrë gjithëpërfshirëse këtë çështje.