Presidenti Rumen Radev do të mbledhë Këshillin Konsultativ të Sigurisë Kombëtare për të diskutuar qëndrimin e Bullgarisë ndaj Maqedonisë së Veriut dhe për të kërkuar konsensus me të gjitha partitë politike në Kuvendin Popullor. Këtë e njoftoi kreu i shtetit në Bruksel.

“Bullgaria do t’i hapë dyert Maqedonisë së Veriut vetëm me garanci dhe mbrojtje të interesit tonë kombëtar - mbrojtje kushtetuese të bullgarëve maqedonas, refuzim i gjuhës së urrejtjes dhe garanci për pakthyeshmërinë e këtij procesi”, theksoi Radev.

Ai tha se qeveria po punon mbi një analizë të plotë se “përse arritëm në pikën ku Bullgaria nuk është në gjendje të thotë “po”. “Unë propozoj që parlamenti bullgar të fillojë një dialog të strukturuar me parlamentin e Maqedonisë së Veriut në mënyrë që të mund të kërkojmë zgjidhjet më të mira dhe të jemi në gjendje të hapim derën sa më shpejt të jetë e mundur”, u tha Radev gazetarëve.