Ministria e Shëndetësisë dhe Këshilli Kombëtar i Bashkësive Fetare në Bullgari do të bindin bashkërisht njerëzit për përfitimet e vaksinimit kundër koronavirusit dhe respektimin e masave kundër epidemisë. Për këtë arritën marrëveshje Ministrja e Shëndetësisë Prof. Asena Serbezova dhe përfaqësues të Këshillit, Konferencave të Ipeshkvijve të Kishës Katolike, Kishave të Bashkuara Ungjillore dhe Kryemyftisë. Të gjithë të pranishmit shprehën gatishmërinë e tyre për të shpërndarë informacion të besueshëm dhe të aksesueshëm përmes kanaleve të informacionit dhe rrjeteve sociale që përdorin. Sipas Ministrit të Shëndetësisë, kleri dhe autoritetet shtetërore duhet të ecin krah për krah në emër të së mirës së përbashkët, prandaj u bëri thirrje liderëve fetarë të apelojnë në besimin në shkencë.