Kompensimet e propozuara nga qeveria për biznesin për shkak të çmimeve të larta të energjisë elektrike nuk janë të mjaftueshëm dhe mund të çojnë në një rënie të mprehtë në ekonomisë, papunësi dhe tensione sociale. Kështu deklaruan në takimin me presidentin Rumen Radev përfaqësues të organizatave të punëdhënësve. Sipas tyre, tavani i propozuar i kompensimit prej 30 për qind të diferencës mes çmimit aktual të tregut të energjisë elektrike për muajin dhe çmimit të moratoriumit për familjet e bën masën joefektive. Për këtë arsye ata kërkojnë një kompensim prej 75 për qind.

Presidenti Radev bëri thirrje për “veprim të shpejtë dhe të përgjegjshëm për të neutralizuar pasojat e krizës me çmimin e burimeve energjetike, sepse energjia është themeli për zhvillimin e çdo ekonomie”. Sipas tij, kjo lidhet drejtpërdrejt me frenimin e inflacionit dhe përmirësimin e standardit të jetesës së qytetarëve.