Nga java e ardhshme, karantina për pacientët me Covid-19 do të ulet nga 14 në 10 ditë dhe ata që janë në kontakt me ta do të qëndrojnë në shtëpi vetëm për një javë. Këtë qëndrim të autoriteteve shëndetësore e bëri të ditur Zëvendës Ministri i Shëndetësisë Georgi Jordanov pas mbledhjes së Komitetit të sapoformuar Kombëtar të Pandemisë. “Ka një hezitim të bullgarëve për t'u vaksinuar kundër koronavirusit”, shtoi ai. Aktualisht 35.7 për qind e bashkatdhetarëve tanë janë të imunizuar dhe synimi është të arrijmë të paktën 60 për qind si në Greqi. Një detyrë e afërt e komitetit është që deri në fund të muajit të vaksinohen 500 mijë njerëz të tjerë.