Ministria e Bujqësisë do të insistojë në rritjen e resursit financiar për ndihmën shtetërore në këtë sektor në buxhetin e vitit 2022, tha për BNR Ministri Ivan Ivanov. Sipas tij, momenti është jashtëzakonisht i pafavorshëm për bujqësinë dhe një nga arsyet është çmimi i lartë i energjisë.

“Prodhuesit janë nën presion dhe kjo do të ndikojë në çmimin e produkteve finale”, tha ai. Sipas tij, "ka fjalë për fjalë një luftë për tokën" në të cilën janë përfshirë lojtarë të ndryshëm - disa janë pronarë tokash, disa të tjerë janë përdoruesit e saj, ka dhe pronarë dhe përdorues njëkohësisht. Kjo është arsyeja e ankesave të fermerëve të vegjël se dëmtohen që të përfitojnë të mëdhenjtë. Ministri tha se ky çekuilibër ende nuk është zgjidhur.