Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Pandemia ndryshoi procesin arsimor

Një pjesë në rritje të përmbajtjes mësimore do të dërgohet dhe do të merret online

Foto: BGNES

Kaluan më shumë se 600 ditë që nga fillimi i pandemisë së Covid-19. Një kohë e cila ndryshoi krejtësisht mënyrën tonë të jetesës, na bëri më të tjetërsuar dhe të vetmuar se kurrë. Frika nga mbijetesa ndikoi edhe në jetën tonë të përditshme, duke na detyruar të rimendojmë përgjegjësitë dhe prioritetet tona, të kufizojmë takimet me njerëzit e zemrës që janë jashtë familjes dhe të kërkojmë metoda të reja vetë-edukimi dhe vetë-përmirësimi.

Modeli i deritanishëm i të mësuarit me prani fizike – si dhe për nxënësit, ashtu edhe për studentët, gjithashtu u kufizua shumë. U imponua që mësues, nxënës, pedagogë dhe studentë të përshtaten shpejt me mjedisin e të mësuarit online të përfaqësuar jo aq sa duhet në Bullgari. Dhe në se për më të rinjtë ky ndryshim nuk shkaktoi shumë vështirësi, për më të moshuarit, puna online doli të ishte një provë jo e lehtë. Pikërisht përshtatja e shpejtë me mjedisin e ri dhe zhvillimi i materialit në mënyrë që mundëson mësimdhënien dhe kuptimin e tij më të lehtë online, shpesh ngre pyetje për efikasitetin e këtij lloji të procesit arsimor. Dhe perspektiva që ky proces të përfundojë së shpejti duket e pakët. Nxënësit tregohen si një nga përhapësit, edhe nëse të kalojnë virusin në mënyrë asimptomatike. Për këtë arsye Zëvendësministri i Shëndetësisë Georgi Jordanov rekomandoi që ata prapë të kalojnë në mësim online. Nuk është shumë e ndryshme situatën me studentët. Të paktën këtë e tregojnë konkluzionet e doracakut të sapobotuar “Trendet në arsimin online”, autor i të cilit është pedagogia në Universitetin e Sofjes “Shën Klimenti i Ohrid” ljudmilla Kirillova. Tre janë aspektet kryesore në zhvillimin e këtij procesi, theksoi ajo në një intervistë për programin “Hristo Botev” të BNR-së.

“Sigurimi teknik i mësuesve dhe studentëve, baza materiale në arsimin e lartë. Vlen të përmendet se ai është i pamjaftueshëm, ndoshta për shkak se pandemia dhe trajnimi i vazhdueshëm i paparashikuar online ka bërë të vetën. Një tjetër gjë që vumë re gjatë analizimit ishte përgatitja e pedagogëve, të cilët përveç t’i japin kuptim dhe t’u shpjegojnë studentëve të tyre materialin e studiuar, duhej të përballeshin edhe me probleme teknike, si edhe me probleme të shkaktuara nga lidhja e dobët e internetit. Elementi i tretë që analizoj janë vetë studentët dhe qëndrimi i tyre ndaj procesit arsimor.”

Dallimi në lidhjen e internetit në Sofje, Plovdiv, Varna dhe vendbanime të tjera më të vogla në vend është i madh, sipas një tjetër përfundimi nga studimi. Kjo çon në ndërprerje të shpeshta, pamje, zë dhe lidhje të dobët mes pjesëmarrësve në proces, gjë që i shpërqendron ata dhe e bën trajnimin joefektiv.

Një nga metodat kryesore që përdoret për përpilimin e manualit janë anketat e shumta me studentë dhe pedagogë nga universitetet bullgare dhe të huaja.

Çfarë tregon opinioni i përgjithshëm?

“Fakti që njeriu mund të përfshihet dhe të punojë nga kudo është jashtëzakonisht i përshtatshëm - shpjegon Ljudmilla Kirillova. - Kursen kohë, transport, shumë studentë punojnë dhe është një lehtësi për ta që të mund të bashkohen vetëm për kohëzgjatjen e leksionit. Është mirë se platforma që shfrytëzojmë na mundëson të regjistrojmë leksionet tona dhe secili nga studentët mund t’i dëgjojë sa herë i duhet. Ata gjithashtu kanë akses në materiale dhe literaturë shtesë”, shpjegon pedagogu në Katedrën e Studimeve Japoneze në universitetin më të vjetër në vendin tonë. Edhe pse disa hapa prapa vendeve të tjera evropiane për sa i përket mësimit në internet, Bullgaria po e arrin shpejt hapin pasi procesi i digjitalizimit në arsim bëhet i pakthyeshëm. Gjithnjë e më shumë nga materialet e nevojshme për mësimin e studentëve do të dërgohen e merren online dhe takimet mes tyre dhe profesorëve do të bëhen gjithnjë e më pak.

Përpilues: Joan Kolev (sipas intervistës së Anelija dimitrova, BNR “Hristo Botev”)

Përgatiti në shqip: Svetllana Dimitrova

Foto: BGNES


Последвайте ни и в Google News Showcase, за да научите най-важното от деня!

Më shumë nga rubrika

Mbi 200 bullgarë që jetojnë jashtë vendit shprehin çdo ditë dëshirën për t'u kthyer

Çdo ditë pranohen mbi 200 aplikime në kuadër të projektit "Unë zgjedh Bullgarinë", që synon kthimin e bullgarëve jashtë vendit për vendosje të përhershme në Bullgari, njoftoi Ministri i Punës dhe Politikës Sociale Borisllav Gucanov. Vetëm në 24 orët e..

botuar më 25-10-02 10.49.PD

Në vitin 2024, pjesa më e madhe e emigrantëve ishte nga Turqia, Ukraina dhe Siria

Në vitin 2024, 13 002 persona kanë ndryshuar adresën e tyre aktuale nga Bullgaria në një shtet tjetër, ku 55.1% prej tyre janë burra. Emigrantët e moshës 0-14 vjeç janë 7.7%, ata të moshës 15-64 vjeç janë 82.7%, dhe ata të moshës 65 vjeç e lart - 9.6%..

botuar më 25-10-01 4.39.MD

Një medalje ari, një argjendi dhe dy bronzi për Bullgarinë në Olimpiadën Ballkanike të Informatikës

Nxënësit e shkollave të mesme bullgare fituan 4 medalje në Olimpiadën e 32-të Ballkanike të Informatikës, të mbajtur në Udine të Italisë. Në garën e gati 50 nxënësve nga 12 vende, shkencëtarët vendas të informatikës u dekoruan me një medalje ari, një..

botuar më 25-10-01 3.02.MD