Kryeministri Kirill Petkov është angazhuar para pesë organizatave përfaqësuese të biznesit në Bullgari për kompensime më të larta për konsumatorët jofamiljarë të energjisë elektrike. Dobri Mitev - Kryetari i Dhomës Ekonomike Bullgare dhe Vasill Velev - Kryetari i Shoqatës së Kapitalit Industrial në Bullgari u thanë gazetarëve se kompensimi është rënë dakord me një tavan prej 127.82 euro për një megavat orë energji elektrike që nga janari, dhe fondet do të jenë nga fitimet shtesë të kompanive shtetërore të energjisë. Velev kujtoi se kompensimi për tetorin dhe nëntorin ishte 56,24 euro, për dhjetorin do të jetë 65,96 euro. Tavani prej 127.82 euro për tremujorin e parë do të arrihet me një çmim burse prej rreth 265,87 euro. “Domethënë ne shpresojmë të mos e prekim këtë tavan”, vuri në dukje ai.