Presidentja e Parlamentit Evropian Roberta Mezzola nisi një proces gjyqësor kundër eurodeputetit nga konservatorët dhe reformistët evropianë Angell Xhambazki pasi ai bëri diçka si një përshëndetje naziste në sallën plenare në Strasburg. Mezzola tha se një sjellje e tillë është e papranueshme askund dhe se një gjest i tillë është pjesë e pjesës më të errët të historisë sonë.

Incidenti ndodhi pasi Xhambazki foli gjatë një debati mbi sundimin e ligjit pas një vendimi nga Gjykata Evropiane e Drejtësisë që lejon Komisioni të shkurtojë fondet e shteteve anëtare shkelëse. Xhambazki tha se kjo nuk ka të bëjë me sundimin e ligjit, por më tepër është urrejtje ndaj kombeve dhe akuzoi BE-në se po përpiqet të kërcënojë Poloninë dhe Hungarinë. “Rroftë Orban, FIDES, Kaçinski, Bullgaria dhe të gjitha shtetet kombëtare”, tha ai.

Sipas Xhambazki, gjesti i tij ishte vetëm një shenjë lamtumire, njoftoi korrespondentja jonë Angelina Piskova.

“Bullgaria ka dëshmuar historikisht tolerancën e saj ndaj grupeve të ndryshme etnike dhe intolerancën e saj ndaj diskriminimit dhe gjuhës së urrejtjes. Në këtë drejtim, çdo veprim që mund të lexohet si simbole që lidhen me regjimet totalitare janë të papranueshme”, thekson në qëndrimin e saj Ministria e Jashtme.