Bullgaria dhe Spanja janë të vendosur në pozicionin se përpjekjet diplomatike duhet të jenë udhëheqëse në zgjidhjen e krizës në Ukrainë. Kështu deklaruan Ministrat e Mbrojtjes të dy vendeve Stefan Janev dhe Margarita Robles gjatë vizitës së tyre në Bazën Ajrore “Graf Ignatievo”. Ata u takuan me ushtarakë spanjollë dhe bullgarë, të cilët që nga java e kaluar kryejnë detyrën e përbashkët për mbrojtjen e hapësirës ajrore bullgare.

I pyetur nga gazetarët për ngjarjet rreth krizës me Ukrainën dhe masat e marra nga Bullgaria, Janev theksoi se po vazhdon puna për formimin e të ashtuquajturit grup batalioni, shtohen ushtrimet dhe stërvitjet. Lidhur me informacionin për përdorimin e municioneve prodhim bullgar nga palët ndërluftuese në konfliktin në Donbas, Ministri i Mbrojtjes tha se vendi ynë respekton të gjitha rregullat në kontrollin e eksporteve dhe shtoi: “Të mos kërkojmë faj të drejtpërdrejtë për faktin se këto produkte janë të prodhuara në Bullgari dhe janë në zona konflikti”.