Në Kuvendin Popullor u lexuan dy deklarata që dënojnë njohjen e rajoneve separatiste Doneck dhe Lugansk nga Rusia. Një tekst për votim të përbashkët do të propozohet në ditët në vijim.

Në deklaratën e parë në emër të “Po e vazhdojmë ndryshimin”, “Ka një popull të tillë” dhe “Bullgaria Demokratike”, u shprehën shqetësime për situatën dhe mbështetje për sanksionet e mundshme kundër Rusisë nga vendet partnere.

GERB - SDS propozoi një tekst në të cilin përveç mbështetjes së vendit tonë për integritetin territorial të Ukrainës, propozohet që Bullgaria të vendosë një regjim të lehtësuar për importin e mallrave ukrainase.

Në një deklaratë nga “BSP për Bullgarinë” theksuan se koha e diplomacisë nuk ka mbaruar dhe kërkuan negociata të drejtpërdrejta nën egjidën e OKB-së.