Pas përleshjeve për termocentralin më të madh bërthamor “Zaporothie” në Ukrainë u shpërthye një zjarr. Zjarrfikësit shuan godinën e ndezur administrative të centralit i cili ka 6 blloqe. Nuk ka rrjedhje të rrezatimit. Centrali është nën kontrollin e ushtrisë ruse. Për shkak të luftimeve Britania e Madhe kërkoi thirrjen urgjente të Këshillit të Sigurimit të OKB-së.

Në raundin e dytë të bisedimeve midis Ukrainës dhe Rusisë u arrit pajtim se duhet të organizohen korridore të gjelbra për tërheqjen e qytetarëve civilë nga rajonet e përleshjeve. Presidenti ukrainas Vollodimir Zelenskij kërkoi bisedime “sy me sy” me Presidentin rus Vlladimir Putin. Sipas Zelenskij kjo është mënyra e vetme t’i jepet fund luftës. Ai e përcaktoi zhvillimet në Centralin Atomik Elektrik “Zaporozhie” si një terror bërthamor. Pavarësisht sulmet ruse nuk ka ndryshim të konsiderueshëm në frontet në Ukrainë. Mbrojtja ukrainase pret desant ajror pranë Odesës.

Nga Pentagoni njoftuan se u krijua një lidhje të drejtpërdrejtë komunikimi me Ministrinë ruse të Mbrojtjes, për të parandaluar konflikte dhe incidente të ndryshme, njoftoi Agjencia Reuters.