Orkestra Simfonike e Radios Kombëtare Bullgare do të mbajë koncertin e saj të radhës më 11 mars në sallën e kryeqytetit “Bullgaria”. Violinistja Lia Petrova do të jetë soliste në Koncertin për Violinë dhe Orkestër të kompozitorit britanik William Walton, siç ishte planifikuar në fillim të sezonit. Pjesa tjetër e programit ka ndryshuar.
Në vend të simfonisë nr.2 të Brahmsit, do të interpretohen dy vepra që shprehin solidaritetin e muzikantëve bullgarë për atë që po ndodh në Ukrainë - uvertura simfonike "Stuhia" e Çajkovskit dhe "Muzika e heshtur" e kompozitorit ukrainas Valentin Silvestrov.
Në një intervistë për Radion Kombëtare Bullgare, dirigjenti Mark Kadin tha se koncerti u është kushtuar viktimave të luftës dhe se përzgjedhja e veprave, natyrisht, nuk është e rastësishme. Çajkovski e kompozoi uverturën e vet në vitin 1864, gjatë një vizite në rezidencën e princave Galicin, që ndodhet tani në territorin e Ukrainës, në një qytet që u bombardua. Në fund të koncertit do të interpretohet “Muzika e heshtur”. Maestroja thekson se koncerti nuk ka orientim politik, ai është në kujtim të viktimave nga të dyja palët.
“Kur je kufomë, nuk ka rëndësi se çfarë pasaporte ke në xhep. Ky tmerr në Ukrainë nuk ka asnjë justifikim - asnjë ambicie, asnjë gjeopolitikë, asnjë ide globale nuk mund të jetë një justifikim për fillimin e një lufte në vitin 2022”, tha Mark Kadin, i cili ka lindur në Donbas dhe ka jetuar atje në vitet e tij të hershme, pastaj - në Moskë. Që nga viti 2017 është kryedirigjenti i Orkestrës Simfonike të Radios Kombëtare Bullgare.
Përgatiti në shqip: Vesella Mançeva
Një top energjie, kjo është DARA - vajza nga Varna, e cila "shpërtheu" në jetën muzikore bullgare një dekadë më parë, duke shkelur në trampolinën e një formati televiziv muzikor dhe duke ndërtuar një karrierë mbresëlënëse me një prani të..
Varna po pret edicionin e 12-të të Festivalit RADAR Beyond Music, i cili do të zhvillohet midis 7 dhe 10 gushtit. Tema e ngjarjes së këtij viti është e ardhmja e muzikës në epokën e inteligjencës artificiale - ajo do të zhvillohet si në koncerte,..
Ju prezantojmë Kuartetin “Bellkanto”, në të cilin bëjnë pjesë këngëtarët Teodor Baturov, Tonço Tonçev, Svetozar Hristov dhe Valentin Galjov. Ata u njohën para dhjetë vitesh si pjesëmarrës individualë në një format televiziv muzikor, ku kuptuan se kanë..
Ju prezantojmë Kuartetin “Bellkanto”, në të cilin bëjnë pjesë këngëtarët Teodor Baturov, Tonço Tonçev, Svetozar Hristov dhe Valentin Galjov. Ata u..
Varna po pret edicionin e 12-të të Festivalit RADAR Beyond Music, i cili do të zhvillohet midis 7 dhe 10 gushtit. Tema e ngjarjes së këtij viti..
Një top energjie, kjo është DARA - vajza nga Varna, e cila "shpërtheu" në jetën muzikore bullgare një dekadë më parë, duke shkelur në trampolinën e një..