Testimi për koronavirusin në shkollat nuk do të hiqet për momentin, njoftoi në Plovdiv Ministri i Arsimit Nikollaj Denkov, i cili dërgoi një kërkesë në Ministrinë e Shëndetësisë. Ata kanë shqetësime në lidhje me numrin e të infektuarve që nuk ndryshon, kanë shqetësime edhe për të huajt që vijnë, kështu që vendimi do të jetë i tyre”, tha Denkov. Deri më tani, rreth 11 300 fëmijë dhe të rinj ukrainas kërkuan azil në Bullgari dhe për disa prej tyre tashmë u organizuan kurse të gjuhës bullgare. Sipas Ministrit sistemi ynë arsimor mund të pranojë deri në 100 mijë nxënës nga Ukraina. Kuota për pranimin e bullgarëve besarabë në universitetet bullgare do të rritet me një mijë veta, njoftoi Ministri Denkov. Sipas tij vendi do të aplikojë për financim nga qendra e përbashkët evropiane për refugjatët.