Gjashtë ish-ministra ushtarakë bullgarë - Bojko Noev, Nikollaj Svinarov, Anju Angellov, Todor Tagarev, Velizar Shallamanov dhe Nikollaj Nençev - këmbëngulin në një deklaratë të përbashkët që Bullgaria të ndihmojë urgjentisht në mbrojtjen e Ukrainës. Sipas të gjashtëve, në këto ditë dramatike vendi ynë vazhdon të dallohet mes aleatëve të tij nga BE-ja dhe NATO-ja me politikën e tij të pavendosur dhe të paqartë në lidhje me ofrimin e mbështetjes ushtarako-teknike për Ukrainën. Sipas tyre, kjo dëmton autoritetin e vendit tonë dhe i bëjnë thirrje Kuvendit Popullor që t’i japë mandat qeverisë për t’iu bashkuar përpjekjeve të përbashkëta evropiane me fonde të ushtrisë bullgare, pa pasur nevojë të sigurojë platforma luftarake dhe armatim bazë.