Grupi bullgar rok “Gabana” ka një histori më se 20 vjeçare. Ai u krijua në vitin 2000 në qytetin Plovdiv. Viktor Stambollov – vokal dhe kitarë, Angell Djullgerov – kitarë, Stojko Milev – bas, Nikolla Xhokov – bateri prezantojnë muzikë të vet prej autori. Albumi i tyre debutues doli në tregun muzikor në vitin 2006 dhe u nominua për albumin më të mirë rok të çmimeve muzikore të Kanalit Televiziv MM, ndërsa 5 vjet më vonë Radio Z-Rock caktoi grupin “Gabana” si një nga formacionet më me ndikim në Bullgari. Muzikantët luajnë aktivisht në klube anembanë vendit, si dhe në Serbi. Marrin pjesë me sukses të madh edhe në një sërë festivalesh. Aktualisht po prezantojnë albumin e tyre të tretë “Pulsi”. Kënga e tretë në të me video është “Ëndërr”. Muzika, teksti dhe aranzhimi janë i Grupit “Gabana”.
“Si ia doli, fshehu një shigjetë në zemrën time ... Sa kohë do të dhemb - nuk e di ...
Mos më nënvlerëso, unë kam guximin t’i kthej fjalët e mia në ëndërr ...
Po, ti do të jesh ëndrra ime!”
Redaktore: Allbena Bezovska
Përgatiti në shqip: Svetllana Dimitrova
E vumë re Momçill Kosevin që gjatë njohjes sonë me grupin SoulBmoll, ku ai është kitarist, vokalist dhe autori kryesor i këngëve të tyre. Muzikantët e grupit janë të dashur jo vetëm për publikun, por edhe për një sërë yjesh vendas që bashkëpunojnë me..
Bullgaria do të marrë pjesë në konkursin prestigjioz të këngës “Evrovizion”, i cili në vitin 2026 do të shënojë edicionin e tij të 70-të. Rikthimi i vendit është pjesë e përpjekjeve të Televizionit Kombëtar Bullgar (BNT) për të promovuar kulturën dhe..
Përgatiti në shqip dhe publikoi: Vesella Mançeva Foto: BNT - arkiv, Zdravko Petrov - BNR