Në Agjencinë Shtetërore të Sigurisë Kombëtare po kryhet një aksion i Prokurorisë së Specializuar. Sipas informacioneve fillestare bëhet fjalë për një operacion kundër punonjësve të agjencisë, të akuzuar për spiunazh në favor të shërbimeve të huaja inteligjente.Burime në disa media thonë se spiunazhi është në favor të Rusisë. Pas lajmit, Presidenti Rumen Radev komentoi: “Agjencia Shtetërore e Sigurisë Kombëtare ka një sistem të fortë imunitar dhe po punon në mënyrë aktive për të parandaluar çdo çarje në aspektin e aktiviteteve të spiunazhit.”

Hyrja e prokurorëve specialë erdhi pak pasi Ministri i Brendshëm Bojko Rashkov njoftoi në raportin vjetor të dikasterit të tij, se prokuroria nuk ka nisur çështjet paraprake dhe dosjet që kanë të bëjnë me veprimtarinë e 25 grupeve të organizuara kriminale.

Më vonë, kryeministri Kirill Petkov tha se në Bullgari u formua një diasporë e madhe e inteligjencës ruse, e cila punonte për interesa të ndryshme. “Ka agjentë rusë që kanë punuar në mënyrë specifike kundër mirëkuptimit midis Bullgarisë dhe Republikës së Maqedonisë së Veriut”, tha ai, duke shtuar se interesi i Rusisë ishte i fokusuar që të mos ketë të ardhme evropiane për Ballkanin Perëndimor.