Më 16 prill 2022 festojmë 143 vjet nga miratimi i kushtetutës së parë bullgare të Tërnovos. Dokumenti afirmon vlerat demokratike të popullit bullgar dhe vendos themelet e demokracisë parlamentare bullgare. Ligji i Lartë i Shtetit është “kurora” në punën e Asamblesë Kushtetuese prej 229 deputetësh të Principatës së Bullgarisë të sapoçliruar nga sundimi osman.
Historianët e përkufizojnë Kushtetutën e Principatës Bullgare si një nga më demokratiket dhe modernet për kohën e saj. “Njerëzit i mbajnë mend dhe i njohin ato urdhra të saj që ende na japin liri. Liria e shtypit, liria e zhvillimit të mitingjeve, mbledhjeve dhe demonstrimeve. Liri - personale dhe liri për këdo që jeton në Bullgari”, tha vite më parë politikani Mihaill Mikov, kryetar i Kuvendit Popullor (2013-2014).
Një çështje kryesore në rendin e ditës të Asamblesë Kushtetuese ishte gjithashtu zgjedhja e një kryeqyteti të ri. "Edhe pse me vetëm një votë vendimtare, deputetët e përcaktuan Sofjen si qytetin më të rëndësishëm bullgar - për shkak të pozicionit të saj qendror gjeografik nga pikëpamja e unitetit kombëtar," tha Doc. Mihaill Gruev, kryetar i Agjencisë Shtetërore të Arkivave.
Kushtetuta e Tërnovës ishte në fuqi deri më 6 dhjetor 1947. Gjatë regjimit totalitar në vendin tonë u miratuan dy amendamente në Ligjin Themelor për shtetin, dhe pas ndryshimeve nga viti 1989 e deri më sot është në fuqi Kushtetuta e Republikës së Bullgarisë e miratuar në vitin 1991. Që nga i njëjti vit, me iniciativën e Unionit të Avokatëve në Bullgari, 16 prilli festohet si Dita e Kushtetutës bullgare dhe konsiderohet si festë profesionale e avokatëve në vendin tonë.
Përpiloi: Vesella Krësteva
Përgatiti në shqip: Vesella Mançeva
Në një deklaratë në televizionin e vetëm atëherë kombëtar më 29 maj 1989, Kryetari i Këshillit Shtetëror të Republikës Popullore të Bullgarisë dhe Sekretari i Përgjithshëm i Komitetit Qendror të Partisë Komuniste Bullgare, Todor Zhivkov, i bën..
Nga bregu i Danubit afër Kozlloduit, ku në vitin 1876 çeta e poetit-revolucionar Hristo Botev zbarkoi me anijën austriake "Radecki", filloi edicioni i 76-të i Marshit Kombëtar "Nëpër gjurmët e çetës së Botevit". 120 kilometrat deri në majën historike..
Shkolla Kombëtare e Muzikës "Ljubomir Pipkov" në Sofje shënon 120 vjet nga themelimi me një koncert dhe ekspozitë. Jo rastësisht për koncertin u zgjodh data 24 maj - Dita e Vëllezërve të Shenjtë Kirill dhe Metodij, e Alfabetit, Arsimit dhe..
Festivali i figurave të rërës rikthehet për të 17-ën verë radhazi në qytetin bregdetar Burgas. Ai do të hapë dyert për vizitorët më 5 korrik në parkun..
Mot i kthjellët