Presidenti Rumen Radev përsëriti qëndrimin e tij se vendi ynë nuk duhet t'i japë ndihmë ushtarake Ukrainës. “Ndryshe nga vendet e tjera që janë larg konfliktit, ne kemi një diasporë të madhe historike, kemi bashkatdhetarët tanë në Ukrainë që aktualisht janë në zonën e operacioneve ushtarake. Kjo kërkon një vendim shumë të kujdesshëm dhe të përgjegjshëm, prandaj kam thënë shumë kohë më parë se Bullgaria duhet të sigurojë pajisje mbrojtëse personale”, shtoi ai. Komenti i Presidentit ishte n; lidhje me vendimin e Komisionit Parlamentar të Punëve të Jashtme të vendit tonë për të ofruar asistencë teknike për vetëmbrojtje të Ukrainës. Rumen Radev ishte kategorik se duhet të vazhdojmë t'i ndihmojmë të gjithë njerëzit që kërkojnë shpëtimin nga lufta, brenda mundësive të tyre.