Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Zemra triumfon: Krishti u ringjall!

Foto: Pixabay

“Natyra gëzohet që sot është një festë e mrekullueshme.

Zemra triumfon: “Krishti u ringjall!”

Këto fjalë i ka shkruar Arkimandriti Serafim Aleksiev, ndërsa këngëtari xhaz Vasill Petrov krijoi muzikën dhe aranzhimin pranë tyre. Videon e kësaj kënge ai zgjodhi ta prezantojë në prag të festës së ndritur.

“Besimi, siç thoshin në lashtësi, është arma më e fortë, tha Vasill Petrov në një intervistë për Radio Bullgarinë. - Besimi duhet t'i japë kuptim jetës njerëzore. Pas tij vjen shpresa dhe në fund si emanacion i gjithçkaje është dashuria. Këtyre virtyteve të krishtera i kushtohen edhe tri vepra themelore teologjike të Arkimandritit Serafim – “Besimi ynë”, “Shpresa jonë”, “Dashuria jonë”, të cilat përmbajnë një interpretim të detajuar të pjesëve të shkrimeve të shenjta. Ky ishte takimi im i parë me të, poezitë e tij i zbulova më vonë. Poezia e tij është shumë e sinqertë dhe e thellë, përmban një thjeshtësi të veçantë. Kam disa këngë për Ngjalljen e bazuar në tekste të Arkimandritit Serafim, por zgjodha të prezantoj këtë sepse është më intime për mua, mesazhi i saj është i aksesueshëm për më të vegjlit. Ai bën një paralel midis Ringjalljes dhe gjithçkaje që është pasqyrimi i saj në këtë periudhë - pranvera po vjen, pemët po çelin gjethet, natyra po gëzohet. Besimi, siç thotë Apostulli i Shenjtë Pavli, është një imazh i gjallë i asaj që shpresojmë dhe një zbulim i asaj që nuk mund të shihet”, shtoi këngëtari i njohur dhe i dashur i xhazit.

Vasill Petrov e interpreton këngën në duet me këngëtaren e re dhe të talentuar Valerija Stojanova, pjesët e kitarës i ekzekuton Stojço Stojanov. Pas festave të Pashkëve (më 30 prill) ai do të mbajë një koncert në qytetin Ruse, së bashku me Big Band-in e qytetit tonë Danubian, me dirigjent Dimço Rubçev. Programi quhet “Historia e Xhazit Botëror” dhe i kushtohet Ditës Ndërkombëtare të Xhazit dhe ditëlindjes së Vasill Petrovit.

Përgatiti në shqip: Svetllana Dimitrova

Foto: Pixabay, BGNES


Последвайте ни и в Google News Showcase, за да научите най-важното от деня!

Më shumë nga rubrika

Lili Ivanova në një nga koncertet e saj në vitin 2024

Ylli i muzikës pop bullgare Lili Ivanova do të këndojë para publikut të Plovdivit

Zëri unik i Lili Ivanovës - ikona e muzikës bullgare, e cila ka emocionuar breza të tërë fansash për më shumë se gjashtë dekada , do ta kënaqë publikun e Plovdivit. Koncerti në “Qytetin е Kodravе”, siç është i njohur Plovdivi, do të..

botuar më 25-11-15 4.40.PD

Për Shën Cecilian – një koncert në kujtim të organistit virtuoz Janko Marinov

Më 16 nëntor 2025 në orën 19:30 në katedralen katolike "Shën Jozefi" në Sofje do të mbahet një koncert barok, i dedikuar festës së mbrojtëses së muzikës kishtare – martires romake shenjtja Cecilia. Koncerti "Cantantibus organis" është pjesë nga një seri..

botuar më 25-11-14 2.00.MD
Janka Rupkina

Kryevepra të kulturës muzikore bullgare – “Kalimanku Denku” – një perlë në krijimtarinë e këngëtares Janka Rupkina dhe kompozitorit Krasimir Kjurkçijski

Përgatiti në shqip dhe publikoi: Svetllana Dimitrova Foto: BTA, arkiv, Facebook/ Yanka Rupkina (Zyrtare), arkiv personal

botuar më 25-11-14 6.05.PD