Bullgaria është e gatshme të riparojë makineritë ushtarake ukrainase në fabrikat e saj. Këtë e bëri të ditur kryeministri bullgar Kirill Petkov pas një takimi me presidentin ukrainas Volodimir Zelenski në Kiev. Nga ana e vet Zelenski tha se do të shpresojë tek një ndihmë e tillë. Sipas Petkovit, takimi ka qenë shumë produktiv. Ukraina është e gatshme të eksportojë energji elektrike të lirë në Bullgari, pasi ka më shumë prodhim sesa i nevojitet dhe në të njëjtën kohë ka nevojë për kapital të freskët. Javën e ardhshme specialistë ukrainas do të vijnë në Bullgari për të studiuar mundësitë e furnizimit me energji elektrike nëpërmjet Rumanisë për vendin tonë. Një temë tjetër e diskutuar ka qenë përdorimi i Rrymës Transballkanike, që mund të sjellë gaz nga Turqia në Bullgari, Rumani dhe Ukrainë. Sipas Petkovit, porti i Varnës mund të bëhet një qendër logjistike për eksportin e produkteve bujqësore ukrainase.

Zelenski premtoi bashkëpunim për të sjellë ekuipazhin bullgar nga anija Rozhen në portin Çernomorsk.