Këshilltarët bashkiakë nga “Bullgaria Demokratike” dhe avokati Mihaill Petrov nga VMRO kërkuan që Bashkia e Sofjes të ndalojë nismën “Regjimentin e Pavdekshëm” për shkak të luftës në Ukrainë. Parakalimi sot organizohet nga Fondacioni “Regjimenti i Pavdekshëm” në lidhje me përvjetorin e shpartallimit të Gjermanisë naziste. Organizatorët po u bëjnë thirrje trashëgimtarëve të veteranëve të Luftës së Dytë Botërore të sjellin foto të të afërmve të tyre të përfshirë në luftën antifashiste. Proçesione parashikohen të organizohen në qytetet Plovdiv, Burgas, Varna dhe Sofje.

Më vonë gjatë ditës, një marshim për liri dhe paqe u shpall në qendër të Sofjes, që kulmoi përpara ambasadës ruse me një demonstratë kundër pushtimit rus të Ukrainës.

Ndërkohë, autoritetet ukrainase njoftuan për 60 viktima të një tjetër sulmi me bombë në Lugansk. Sipas Guvernatorit të krahinës së Luganskut, Serhij Gajdaj, 90 persona u strehuan në ndërtesën e shkollës në fshatin ukrainas Bilohorivka, ndërsa të shtunën një aeroplan rus hodhi bombë, 30 persona u shpëtuan. Nuk ka asnjë koment nga pala ruse.