Gjatë vizitës në Gjermani, Presidenti Rumen Radev u takua në Berlin me homologun e tij Frank-Walter Steinmeier, si dhe me Kancelarin gjerman Olaf Scholz. “Ne kemi mbështetje të plotë nga ana e Gjermanisë për derogimin për importin e naftës”, tha presidenti para gazetarëve, duke theksuar se është i kënaqur me mirëkuptimin e palës gjermane për të gjitha pozicionet e rëndësishme për Bullgarinë.

Qeveria bullgare shpalli tashmë se pa një derogim për naftën ruse, vendi ynë nuk do të mbështesë paketën e re të sanksioneve kundër Rusisë.

I pyetur nga gazetarët për luftën në Ukrainë, Radev tha se duhet kërkuar një zgjidhje për t’i dhënë fund konfliktit sa më shpejt të jetë e mundur, “sepse çdo ditë e kësaj lufte është një humbje jo vetëm për Ukrainën dhe Rusinë, por për të gjithë Evropën”.