Kryeministri Kirill Petkov nuk e konfirmoi informacionin se deri në fund të qershorit në Paris do të mbahet një takim të Presidentit francez Emmanuel Macron me homologun e tij bullgar Rumen Radev për zgjidhjen e krizës me Maqedoninë e Veriut.

Sipas njoftimeve mediatike, kjo u diskutua në këshillin e koalicionit qeverisës dhe pjesëmarrësit janë zotuar të kufizojnë komentet për pranimin e Maqedonisë së Veriut në bisedimet me BE.

Në Bruksel, Kirill Petkov tha se përpara se diplomatët të vendosin profesionalisht “se ku mund të shkojmë përpara, nuk mund të konfirmojmë asgjë”. “Çfarëdo që të bien dakord, ne do të kalojmë në parlament. Nuk do të ketë asgjë të fshehur për popullin bullgar”, premtoi kryeministri.