Lufta e Rusisë kundër Ukrainës kërkon masa adekuate për të garantuar sigurinë në Evropën Lindore dhe për të përballur efektet anësore të krizës. Kështu deklaroi Presidenti Rumen Radev në Samitin B9 në Bukuresht. Në takim, Bullgaria, Estonia, Letonia, Lituania, Rumania, Sllovakia, Hungaria, Republika Çeke dhe Polonia po koordinojnë pozitat në axhendën e NATO-s përpara Samitit të Aleancës në Madrid në fund të qershorit.

Radev kujtoi se Aleanca me vite fokusohej në misionet paqeruajtëse jashtë kufijve të saj. Por situata e përkeqësuar e sigurisë në Evropë kërkon zhvillimin e potencialit të mbrojtjes të vetë shteteve anëtare. Presidenti u bëri thirrje atyre që të bashkojnë përpjekjet e shkencës dhe industrisë së tyre të mbrojtjes dhe të kapërcejnë ndarjen në NATO në vende prodhuese dhe blerëse të pajisjeve dhe makinerive mbrojtëse.

Ai theksoi nevojën për veprime në kohë për të mbështetur eksportet e grurit nga Ukraina dhe për të parandaluar valët e reja të migrimit në Evropë.